انا لما حبيت .. ماحبيتش أي حد
ومن يوميها عرفت معنى الحب بجد
الحب مش صور حزينه وعيون بتبكي
الحب هو الاحساس الوحيد اللي يخلي قلبك يبطل يشكي
صعب وصفه واللي يحسه مستحيل ينساه
عامل زي حبيبي كل لما يتوه لازم القاه
الحب ..
احساس جميل مافيهوش مجال للخداع
مستحيل يحسه اللي يقول ان نهايته الوداع
الحب مش قصة بنكتبها في كل روايه
هو كلمة معناها كبير بتزين اجمل حكايه
حاولت ابعد عنه بس هو اللي بيجري ورايه
الحب ..
مش اتنين بيشوفو بعض كتير
مش اتنين متفقين في التفكير
الحب عمره مايكون ايام ولا زمن قصير
الحب اهل قريبين
ناس على بعضهم حنينين
جواهم طيبه ماتعرفش جايه منين
الحب ..
مايعرفش مسيحي ومسلم ..
مايقارنش بين اسود وابيض ..
مايفرقش بين صغير وكبير ..
الحب .. احساس بين كل الناس
معناه اننا نتعلم نحس ونخاف على بعض
وهو ده الاساس ...