كل عام والعيد بنورها يسري

كل عام والعيـد بنورها يسـري


أحس قدوم العيـد صار شي عادي كل مره يـجـي العيـد و لا أدري

لكن هالمـره العيـد ماهـو عادي العيـد هالمـره معاهـا بعد عمري



هي فرحتي وصرختي وكل أعيـادي هي دمعتي وسهرتي وليلي و فجـري

هي حفلتي ورحلتي و عيد ميـلادي هي كلمتي ونظرتي و مالكة أمـري



هي قريتي وديرتـي و كل بـلادي هي لحظتي ونصيبي وحظي وقـدري

الناس يعيدون و أنا واياها بـوادي أنا عيدي معاها يبتدي من بـدري



العيد عند الناس تهـاني وعـوادي أما أنا عيدي وحظنها على صدري

حلاوة عيدي بوسه لخدها الهـادي ليت العيد معاها يوقف ولا يجـري



فديت عيدها بروحي ودم فـؤادي أبيع باقي سنيني بس عيدها أشـري

أهني العيـد بقدومهـا وأنـادي كل عام والعيـد بنورها يسـري